លោក ស ម៉ូរ៉ា គឺជាកូនកសិករមកពីខេត្តកំពង់ចាម។ បន្ទាប់ពីគាត់ឈប់រៀននៅឆ្នាំ ១៩៩៨ គាត់បានទៅភ្នំពេញជាមួយបងប្រុសនិងបងស្រីរបស់គាត់ដើម្បីរកការងារធ្វើនៅក្នុងរោងចក្រកាត់ដេរ ។ដំបូងឡើយគាត់មិនអាចទទួលបានការងារតាមរោងចក្រកាត់ដេរ គាត់បានធ្វើការជាកម្មករសំណង់អស់រយៈពេលជាច្រើនខែ។ បន្ទាប់មកបងប្រុសរបស់គាត់បានរកការងារឱ្យគាត់បានធ្វើការងារនៅក្នុងរោងចក្រតម្បាញមួយ ឈ្មោះថារោងចក្រសាំហាន់នៅតំបន់ទួលសង្កែ ។ គាត់ធ្វើការនៅក្នុងរោងចក្រតម្បាញនោះអស់រយៈពេល ៥ ឆ្នាំរហូតដល់ឆ្នាំ ២០០៥ ។
ម៉ូរ៉ាបានក្លាយជាសមាជិកស៊ីខៅឌូក្នុងឆ្នាំ ២០០២ បន្ទាប់ពីស្វែងរកសហជីពល្អដើម្បីជួយនៅក្នុងរោងចក្ររបស់គាត់។ ស៊ីខៅឌូ (សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា) ត្រូវបានបង្កើតឡើងក្នុងឆ្នាំ ២០០០ ។
រោងចក្រដែលគាត់ធ្វើការបានបិទទ្វារនៅដើមឆ្នាំ ២០០៥ ដោយសារការបញ្ចប់កិច្ចព្រមព្រៀងកូតាជាមួយសហរដ្ឋអាមេរិក និងប្រទេសកម្ពុជា។ ម៉ូរ៉ាបានទៅធ្វើការជាអ្នកស្ម័គ្រចិត្តជាមួយស៊ីខៅឌូ។
នៅឆ្នាំ ២០០៦ ស៊ីខៅឌូបានចាប់ផ្តើមរៀបចំចងក្រងកម្មករនៅក្នុងវិស័យផ្សេងទៀតៗដែលមានប្រាក់ឈ្នួលទាប លក្ខខណ្ឌការងារមិនល្អនិងទទួលរងការបំពានសិទ្ធិការងារជាញឹកញាប់។ ម៉ូរ៉ាបានក្លាយជាចងក្រងសហជីពដែលទទួលបន្ទុកគំរោងចងក្រងកម្មករចំណីអាហារនិងសេវាកម្ម ហើយក្នុងរយៈពេល ២ ឆ្នាំក្រោយមកពួកគេបានចងក្រងកម្មករជាច្រើននាក់នៅក្នុងវិស័យចំណីអាហារនិងសេវាកម្មហើយបន្ទាប់មកបានបង្កើត CFSWF (សហព័ន្ធកម្មករចំណីអាហារនិងសេវាកម្មកម្ពុជា) នៅថ្ងៃទី ២ ខែធ្នូឆ្នាំ ២០០៧ ។ លោកបានចប់អាណត្តិរបស់លោកជាប្រធានសហព័ន្ធកម្មករចំណីអាហារនិងសេវាកម្មកម្ពុជានៅខែធ្នូឆ្នាំ២០១៧ ក្រោយពីលោកដឹកនាំរយៈបីអាណត្តិដែលមានពេល១០ឆ្នាំ។
ក្នុងពេលតែមួយបន្ទាប់ពីក្លាយជាប្រធាន CFSWF លោកម៉ូរ៉ាបានសិក្សានៅសាកលវិទ្យាល័យឯកជនហើយទទួលបានបរិញ្ញាបត្រច្បាប់។
ក្រៅពីសកម្មភាពដ៏សកម្មរបស់គាត់នៅក្នុងចលនាការងារ លោកម៉ូរ៉ាគឺជាមេដឹកនាំម្នាក់នៃយុទ្ធនាការដើម្បីបុព្វហេតុសិទ្ធិមនុស្ស សេរីភាព យុត្តិធម៌សង្គម ដូចជាក្រុមមិត្ដ១០ធ្នូ (វាគឺជាយុទ្ធនាការរាល់មុនថ្ងៃទិវាសិទ្ធិមនុស្សអន្តរជាតិធ្នូ) យុទ្ធនាការប្រាក់ឈ្នួលអប្បបរមា។ , យុទ្ធនាការដោះលែង២៣នាក់ (យុទ្ធនាការដោះលែងកម្មករនិងអ្នកសហជីពទាំង២៣នាក់ដែលត្រូវបានចាប់ខ្លួនក្នុងអំឡុងពេលធ្វើកូដកម្មប្រាក់ឈ្នួលអប្បបរមាក្នុងឆ្នាំ ២០១៤) យុទ្ធនាការ និយាយថាទេ (យុទ្ធនាការប្រឆំាងនឹងច្បាប់ស្តីអំពីសមាគមនិងអង្គការក្រៅរដ្ឋាភិបាល ច្បាប់សហជីព) និង យុទ្ធនាការ ថ្ងៃច័ន្ទពណ៌ខ្មៅ ដើម្បីទាមទារអោយដោះលែងអ្នកការពារសិទ្ធិមនុស្ស ៥ នាក់ដែលត្រូវបានចាប់ខ្លួនដោយខុសច្បាប់របស់រដ្ឋាភិបាល។